Kapeng Arabo, the Re-fill

Sa unang aklat, ipinakita ang sari-saring isyu na kinakaharap ng mga OFW o Pinoy abroad. Mga pangyayaring minsa'y masaya, minsan shocking, at kung minsan nama'y naglalagay sa kanila sa senti mode. Kaya nga ang konsepto ng 'emo' ay hindi nalalayo sa mga OFW. Malamang sa kanila nagsimula yon, pinangalanan lang mga maarte nilang anak at mahal sa buhay.

Ngayon, sa book 2, masasabing isang 'baptism of fire' ang magaganap. Masusubok ang katatagan ng OFW habang patuloy na pinapanday (naks! ang lalim) ang kanilang pakikitungo sa pamilya, sa community na kanilang ginagalawan at pati na rin sa country.

Anu-ano kaya ang mga pagbabago sa pakikitungo ng isang OFW o Pinoy abroad habang malayo sa mga bagay na kanilang kinagisnan. Positibo kaya, o magresult ang mga epekto nito sa pagkawasak ng kanilang commitments? Kaya pa kaya nilang i-sustain o ibalik ang mga naudlot na relasyon? O kayanin pa ka nyang bumuo ng mga relasyon, at least the way we know it?

Sasagutin ang mga ito at iba pang mga additional issues sa pagpapatuloy ng istorya ng author ng KAPENG ARABO sa book 2 nito. Kung ano man ang sagot sa mga tanong, individual tayong maga-asses kung talanga nga bang kabutihan o isang karangalan ang maging OFW o Pinoy abroad.